எழுந்து நில்

தேனாய் நினைத்த வாழ்க்கை

கருந்தேளாய் மாறினாலும்-வாழ்வை

 நிந்தை செய்திடாதே 

உன்  சிந்தை தளர்ந்திடாதே!!

இந்த

 விந்தை உலகில் நீ என்ன 

சந்தை விலை பொருளா ?அந்த 

ஈச ன்உனக்கு ஈந்த சிந்தை உள்ளவரை 

கை ஏந்தி பிழைத்திடாதே -உன்
மெய்கெட்டு அழிந்திடாதே .

கருத்துண்டுஉனக்கிரெண்டு 

கையுமுண்டு -தொழில்

மருத்துண்டு சோம்பிடாதே-துயர் 

பீடித்து வீழ்ந்திடாதே 

கோணிய தென்னை மரம் 

குலை தாங்கி நின்றாலும் 

தலை  சாய்ந்து வீழ்வதில்லை -தன்

நிலை தாழ்த்தி கொள்வதில்லை.

உயிர் தாங்கிய இவ்வுடம்பு
  ஓடாய் உடைந்தாலும் -நீ 

ஓய்ந்து இருந்திடாதே -தலை 

சாய்ந்து வீழ்ந்திடாதே. 

 .